దేవుని దగ్గర కొబ్బరికాయలను ఎందుకు కొట్టాలి

సర్వదేవతలను పూజించే సమయాలలోను, యజ్ఞ, యాగములలోను, హోమములయందు, కొన్ని శుభకార్యములలోను, కొబ్బరికాయను కొట్టడం తప్పని సరి. కొబ్బరికాయ పైనున్న పెంకు అహంకారానికి ప్రతీక. మనం మన అహంకారాన్ని విడనాడుతున్నాము అని చెప్పడానికి భగవంతుని ముందు కొబ్బరికాయను కొడతాము. లోపలున్నతెల్ల  కొబ్బరిలా మన మనసును సంపూర్ణంగా భగవంతుని ముందు పరిచామని దాని ద్వారా నిర్మలమైన కొబ్బరి నీరులా మన జీవితాలు ఉంచమని ఆ భగవంతుని ప్రార్దిస్తున్నాము అని అర్ధం. సృష్టి మొత్తంలో నీరున్న కాయ కొబ్బరికా మాత్రమే.
కొబ్బరికాయ అంటే మానవ శరీరం. బొండం పైనున్న చర్మం మన చర్మం. పీచు మనలోని మాంసము, పెంకు ఎముకగా, కొబ్బరే ధాతువు, అందులోని కొబ్బరి నీరు మన ప్రాణాధారం, కాయ పైనున్న మూడు కళ్ళు ఇడ, పింగళి, సుషుమ్న అనే నాడులు..